Yuu.N sajaa chaa.Nd

yuu.N sajaa chaa.Nd ki jhalakaa tere a.ndaaz kaa rang
yuu.N fazaa mahakii ki badalaa mere hamaraaz kaa rang

saayaa-e-chashm me.n hairaa.N ruKh-e-raushan kaa jamaal
surKhii-e-lab pe pareshaa.N terii aavaaz kaa rang

bepiye ho.n ki agar lutf karo aaKhir-e-shab
shiishaa-e-may me.n Dhale subah ke aaGaaz kaa rang

cha.ngo-nay rang pe the apane lahuu ke dam se
dil ne lay badalii to madham huaa har saaz kaa rang
[cha.ng= a type of musical instrument; nay=flute]

ik suKhan aur ki phir rang-e-takallum teraa
harf-e-saadaa ko inaayat kare ejaaz kaa rang
[takallum=conversation; ejaaz=miracle]

Gaye dino.n kaa suraaG lekar

gaye dino.n kaa suraaG lekar kidhar se aayaa kidhar gayaa vo
ajiib maanuus ajanabii thaa mujhe to hairaan kar gayaa vo

Khushii kii rut ho ke Gam kaa mausum nazar use Dhuu.NDhatii hai har dam
vo buu-e-gul thaa ke naGmaa-e-jaan mere to dil me.n utar gayaa vo

vo maikade ko jagaane vaalaa vo raat kii niind u.Daane vaalaa
na jaane kyaa us ke jii me.n aa_ii ki shaam hote hii ghar gayaa vo

kuchh ab sambhalane lagii hai jaa.N bhii badal chalaa rang aasmaa.N bhii
jo raat bhaarii thii Tal ga_ii hai jo din ka.Daa thaa guzar gayaa vo

shikastaa_paa raah me.n kha.Daa huu.N gaye dino.n ko bulaa rahaa huu.N
jo qaafilaa meraa ham_safar thaa misl-e-gard-e-safar gayaa vo

bas ek manzil hai bul_havas kii hazaar raste hai.n ahal-e-dil ke
ye hii to hai farq mujh me.n us me.n guzar gayaa mai.n Thahar gayaa vo

vo jis ke shaane pe haath rakh kar safar kiyaa tuune mannzilo.n kaa
terii galii se na jaane kyuu.N aaj sar jhukaaye guzar gayaa vo

vo hijr ki raat kaa sitaara vo ham_nafas ham_suKhan hamaaraa
sadaa rahe us kaa naam pyaaraa sunaa hai kal raat mar gayaa vo

bas ek motii sii chhab dikhaakar bas ek miiThii sii dhun sunaa kar
sitaaraa-e-shaam ban ke aayaa barang-e-Khayaal-e-sahar gayaa vo

na ab vo yaado.n kaa cha.Dhataa dariyaa na fursato.n kii udaas barkhaa
yuu.N hii zaraa sii kasak hai dil me.n jo zaKhm gaharaa thaa bhar gayaa vo

vo raat kaa benavaa musaafir vo teraa shaayar vo teraa 'Nasir'
terii galii tak to ham ne dekhaa phir na jaane kidhar gayaa vo

chamkate chaand ko toota hua taara bana daala

chamakate chaand ko Tuutaa huaa taaraa banaa Daalaa
merii aaavaaragii ne mujhako, aavaaraa banaa Daalaa

yahii aaGaaz thaa meraa, yahii a.njaam honaa thaa
mujhe barabaad honaa thaa, mujhe naakaam honaa thaa
merii taqadiir ne mujhako, taqadiir kaa maaraa banaa Daalaac

ba.Daa dilkash baDaa rangiin hai yah shahar kahate hai.n
yahaan par hai.n hazaaro.n ghar gharon men log rahate hain
mujhe is shahar kii galiyo.n kaa ba.njaaraa banaa Daalaa

main is duniya ko akshar dekhkar hairan hota hunn
mujhse bansaka chotasa ghar din raat rota hun
khudaya tune kaise yeh jahan sara bana dala

mere malik mera dil kyon tadapta hai sulagta hai
teri marji hai teri marji pe kiska zor chalta hai
kisiko gul kisiko tune angara bana dala..

Challenge are high,The Dreams are new,

The World out there is waiting for you.

Dare to Dream,Dare to try

No goal is too distant, No star is too high

Just Get Going.

Ranjish Hi Sahi Dil Ko Dukhane K Liye Aa

Ranjish Hi Sahi Dil Ko Dukhane K Liye Aa
Aa Phir Se Mujhe Chor Kay Janay K Liye Aa

Kuch To Mere Pandaray Muhabbat Ka Bharam Rakh
To Bhi Tou Kabhi Mujh Ko Satanay K Liye Aa

Pehlay Se Marasam Na Sahi Phir Bhi Kabhi
To Rasmo Raha Dunya Hi Nibhanay K Liye Aa

Kis Kis Ko Batayengay Judai Ka Sabab Hum
To Mujh Se Khafa Hai To Zamanay K Liye Aa

Ab Tak Dil Khush Feham Ko Hain Tujh Se Umeedain
Yeh Akhri Shamay Bhi Bujjhanay K Liye Aa

Ru daad-e-muhabat kia kahiye

ru daad-e-muhabat kia kahiye

kuch yaad rahi kuch bhool gaey

do din ki musarat kia kahiye

kuch yaad rahi kuch bhool gaey

kuch haal k andhe saathi thay

kuch mazi k ayyaar

sajanehbaab ki chahat kia kahiye

kuch yaad rahi kuch bhool gaey

kaantoon se bhara hai daman-e-dil shabnam si sulagti hain

palkainphooloon ki sakhawat kia kahiye

kuch yaad rahi kuch bhool gaeyab apni haqiqat bhi

saghar be-rabt kahani lagti hai

duniya ki haqiqat kia kahiye

kuch yaad rahi kuch bhool gaey

Khuda HamkoAisi Khudai Na De

Khuda ham ko aisi Khudaee na de
ki apne sivaa kuch dikhaaee na de

Khatavaar samjhegi duniya tujhe
ab itani bhi zyaadaa safaaii na de

haso aaj itanaa ki is shor main
sisakiyon ki ahat bhi sunaai na de

abhi to badan main lahu hai bahut
lahu ke bhukh ki arazoo tu na de

mujhe aisi jannat nahi chaaheye
jaha se madinaa dikhaai na de

Khudaa aise ehsaas kaa naam hai
rahe saamane aur dikhaaii na de...

Apane hoTho.n par sajaanaa chaahataa huu.N

apane hoTho.n par sajaanaa chaahataa huu.N
aa tujhe mai.n gunagunaanaa chaahataa huu.N

koii aa.Nsuu tere daaman par giraakar
buu.Nd ko motii banaanaa chaahataa huu.N

thak gayaa mai.n karate-karate yaad tujhako
ab tujhe mai.n yaad aanaa chaahataa huu.N

chhaa rahaa hai saarii bastii me.n a.Ndheraa
raushanii ho ghar jalaanaa chaahataa huu.N

aaKharii hichakii tere zaano.n pe aaye
maut bhi mai.n shaayaraanaa chaahataa huu.N
~Qateel Shifai

Ai Khudaa ret ke saharaa ko

ai Khudaa ret ke saharaa ko sama.ndar kar de
yaa chhalakatii aa.Nkho.n ko bhii patthar kar de

tujhako dekhaa nahii.n mahasuus kiyaa hai mai.n ne
aa kisii din mere ehasaas ko paikar kar de

aur kuchh bhii mujhe darakaar nahii.n hai lekin
merii chaadar mere pairo.n ke baraabar kar de
~Shahid Meer

Agar ham kahe.n aur vo muskuraa de.n

agar ham kahe.n aur vo muskuraa de.n
ham unake lie zi.ndagaanii luTaa de.n

har ek mo.D par ham Gamo.n ko sazaa de.n
chalo zindagii ko mohabbat banaa de.n

agar Khud ko bhuule to, kuchh bhii na bhuule
ki chaahat me.n unakii, Khudaa ko bhulaa de.n

kabhii Gam kii aa.Ndhii, ji.nhe.n chhuu na paaye
vafaao.n ke ham, vo nasheman banaa de.n

qayaamat ke diivaane kahate hai.n hamase
chalo unake chahare se pardaa haTaa de.n

sazaa de.n, silaa de.n, banaa de.n, miTaa de.n
magar vo koii faisalaa to sunaa de.n
~Sudarshan Faakir

Aas hogii na aasaraa hoga

Aas hogii na aasaraa hoga
aaane vaale dino.n me.n kyaa hogaa

mai.n tujhe bhuul jaauu.Ngaa ik din
vaqt sab kuchh badal chukaa hogaa

naam ham ne likhaa thaa aa.Nkho.n me.n
aa.nsuuo.n ne miTaa diyaa hogaa

aasamaa.N bhar gayaa pari.ndo.n se
pe.D ko_ii haraa giraa hogaa

kitanaa dushvaar thaa safar us kaa
vo sar-e-shaam so gayaa hogaa
[sar-e-shaam=as the evening approached (shaam hote hii)]

Aa.nkhon Me Jal Raha Hai Kyuu.n

Aa.Nkho.n me.n jal rahaa hai kyuu.N ,bujhataa nahii.n dhuua.N
uThataa to hai ghaTaa saa ,barasataa nahii.n dhuaa.N

chuulhaa nahii.n jalaaye yaa bastii hii jal ga_ii
kuchh roz ho gaye hai.n ab uThataa nahii.n dhuaa.N

aa.Nkho.n se po.nchane se lagaa aa.Nch kaa pataa
yuu.N cheharaa pher lene se chhupata nahii.n dhuaa.N

aa.Nkho.n se aa.Nsuo.n ke maraasim puraane hai.n
mehamaan ye ghar me.n aaye.n to chubhataa nahii.n dhuaa.N
~Gulzar

Aadmi Aadmi Ko Kya Dega

aadamii aadamii ko kyaa degaa
jo bhii degaa vahii Khudaa degaa
meraa qaatil hii meraa mu.nsib hai
kyaa mere haq me.n faisalaa degaa
zindagii ko qariib se dekho
isakaa cheharaa tumhe.n rulaa degaa
hamase puuchho dostii kaa silaa
dushmano.n kaa bhii dil hilaa degaa
ishq kaa zahar pii liyaa "Faakir"
ab masiihaa bhii kyaa davaa degaa
~Sudarshan Faakir

Aa.Nkh Se Durr Na Ho

aa.Nkh se duur na ho dil se utar jaayegaa
vaqt kaa kyaa hai guzarataa hai guzar jaayegaa

itanaa maanuus na ho Khilvat-e-Gam se apanii
tuu kabhii Khud ko bhii dekhegaa to Dar jaayegaa
[maanuus=intimate; Khilvat-e-Gam=sorrow of loneliness]

tum sar-e-raah-e-vafaa dekhate rah jaaoge
aur vo baam-e-rafaaqat se utar jaayegaa
[sar-e-raah-e-vafaa=path of love; baam-e-rafaaqat=responsibility towards love]

zindagii terii ataa hai to ye jaanevaalaa
terii baKhshiish terii dahaliiz pe dhar jaayegaa
[ataa=gift; baKhshiish=donation; dahaliiz=doorstep]

Duubate Duubate kashtii to ochhaalaa de duu.N
mai.n nahii.n ko_ii to saahil pe utar jaayegaa
[ochhaalaa=upward push]

zabt laazim hai magar dukh hai qayaamat kaa 'Faraz'
zaalim ab ke bhii na royegaa to mar jaayegaa
~Ahmed Faraz

Na The Kuch

Na tha kuch to khuda tha, na hota kuch to khuda hota
Duboya mujhko mere hone ne ,na hota me to kya hota

Hua jab gam se yun behis to gam kya sar katane ka
Na hota gar juda tan se zaa.Nno.n par dharaa hotaa
[behis=Shocked/stunned, zaa.Nnon=thigh]

Hui muddat ke "Ghalib" mar gaya par yaad aata hai
Woh har ek baat pe kehna ke yuu.N hota to kya hota

Har ek baat pe kehte ho

har ek baat pe kahate ho tum ki tuu kyaa hai
tumhii.n kaho ke ye a.ndaaz-e-guftaguu kyaa hai

na shole me.n ye karishmaa na barq me.n ye adaa
koii bataao ki vo shoKh-e-tu.ndaKhuu kyaa hai

ye rashk hai ki vo hotaa hai hamasuKhan hamase
vagarnaa Khauf-e-badaamozii-e-ad kyaa hai
[rashk=jealousy; hamasuKhan=some who agrees with you]
[Khauf=fear; aamozii=teaching; aduu=enemy]

chipak rahaa hai badan par lahuu se pairaahan
hamaarii jeb ko an haajat-e-rafuu kyaa hai
[pairaahan=dress/cloth/robe; haajat=need; rafuu=darning]

jalaa hia jism jahaa.N dil bhii jal gayaa hogaa
kuredate ho jo ab raakh justajuu kyaa hai

rago.n me.n dau.Date phirane ke ham nahii.n qaayal
jab aa.Nkh hii se na Tapakaa to phir lahuu kyaa hai

vo chiiz jisake liye hamako ho bahisht aziiz
sivaa_e baadaa-e-gulfaam-e-mushkabuu kyaa hai
[bahisht=heaven; baadaa=wine; gulfaam=delicate/like a flower]
[mushkabuu=the smell of musk]

piyuu.N sharaab agar Khum bhii dekh luu.N do chaar
ye shiishaa-o-qadaah-o-kuuzaa-o-subuu kyaa hai
[Khum=wine barrel, qadaah=goblet, subuu=wine pitcher ]

rahii na taaqat-e-guftaar aur agar ho bhii
to kis ummiid pe kahiye ke aarazuu kyaa hai
[guftaar=speech]

banaa hai shaah kaa musaahib, phire hai itaraataa
vagarnaa shahar me.n "Ghalib" kii aabaruu kyaa hai
[musaahib=associate]
~Mirza Ghalib

zaKhm-e-tanhaa_ii me.n

zaKhm-e-tanhaa_ii me.n Khushbuu-e-hinaa kisakii thii
saayaa diivaar pe meraa thaa sadaa kisakii thii

uskii raftaar se lipaTii rahii merii aa.Nkhe.n
us ne mu.D kar bhii na dekhaa ki vafaa kis kii thii

vaqt kii tarah dabe paa.Nv ye kaun aayaa hai
mai.n a.Ndheraa jise samajhaa vo qabaa kis kii thii

aa.Nsuo.n se hii sahii bhar gayaa daaman meraa
haath to mai.n ne uThaaye the duaa kisakii thii

merii aaho.n kii zabaa.n koii samajhataa kaise
zindagii itanii dukhii mere sivaa kisakii thii

aag se dostii us kii thii jalaa ghar meraa
dii ga_ii kis ko sazaa aur Khataa kisakii thii

mai.n ne biinaa_iyaa.N bo kar bhii a.ndhere kaaTe
kis ke bas me.n thii zamii.n abr-o-havaa kis kii thii

chho.D dii kis liye tuu ne "Muzaffar" duniyaa
justjuu sii tujhe har vaqt bataa kisakii thii
~Muzaffar Warsi